Здружение Институт за развој на заедницата, ИРЗ во Бастиа за завршниот состанок во рамките на проектот ENSEMBLE:

ИРЗ Тетово со свои претставници учествуваше на завршниот состанок во рамките на проектот ENSEMBLE. Состанокот се одржа во Бастиа, Франција на 26ти Јуни 2019. На состанокот учествуваа 7 проектни партнери од 5 држави (Франција, Белгија, Македонија, Италија, Шпанија).
ENSEMBLE – “Неформални вештини за зајакнување на мигрантите и локалната економија” има за цел развивање и потврдување на иновативен механизам за неформално и информално учење со фокус на потребите на мигрантите. Тоа им помага на обучувачите за стручно образование да ги идентификуваат и проценат неформалните и информалните вештини на мигрантите, овозможувајќи им да имаат централна улога во процесот на интеграција. Проектот е ко-финансиран од Еразмус + Програмата на Европската Комисија. ENSEMBLE Конзорциумот го сочинуваат институции за стручно образование и обука, граѓански организации и истражувачки институти.
За време на состанокот Конзорциумот разменија информации за досегашните активности и анализираа можности за понатамошни подобрувања на Проектните резултати. Општиот преглед на пилот фазата им помогна на партнерите во дискусијата за можни подобрувања на формализираната верзија на ENSEMBLE иновативниот НФИЛ механизам и ENSEMBLE упатството. На крајот, проектните партнери направија план за подготовка на финалниот извештај.
За повеќе информации за проектот ENSEMBLE на:
Проект ENSEMBLE вебстрана: www.projectensemble.eu
ИРЗ вебстрана: www.irz.org.mk